話咁快又想食放題，今日黎到依間都幾有名氣位於荃灣大鴻輝中心嘅滿屋日本料理試下！
嚟到門口發現所有食物款式貼左係門口好清楚可以睇曬,款式比起一般放題店多又新穎特別,抵讚!
入到店內發覺原來依間店都幾大！除咗坐得舒服之外，環境亦十分開揚，一啲都唔焗促，有大玻璃窗可以遠望荃灣市區景致。
而且又設有卡位，帶埋小朋友一齊食都可以坐得舒舒服服！！
店內仲有好多野食自己拎添，有冷盤、甜品、熱食，沙津配搭。等緊既時候可以出去拎，醫一醫個肚先。
食放題必點一定係刺身啦！而呢度刺身都好多選擇，而先點幾款必食先：三文魚、蝦、北寄貝、帶子！三文魚非常新鮮，而且好厚，而蝦有三款：虎蝦、大蝦及甜蝦！
不得不提讚因仲有象拔蚌送！
當日係星期二，仲有師傅即劏藍鰭吞拿魚，超級大隻要幾位師傅先可以反轉條魚，切左一陣終於有得食，吞拿魚腩就最正！肥美肉厚。
壽司卷物方面都有好多選擇，特別推薦海膽手卷，手卷內海膽份量都算多，而且味道鮮甜完全唔會覺得臭！黑松露牡丹蝦壽司，透明鮮甜牡丹蝦配上香噴噴黑松露，好好味！！
值得一提係好少放題可以叫特飲，有四款可以選，每款都可以加蘆薈，芒果星鑽Q果或三色Q果。我就叫左杯荔枝梳打，感覺好透心涼，又唔會太甜，雖然飲品櫃選擇好多但係我覺得只飲特飲已經足夠！
食完冷物，輪到熱食啦，重點推薦幾種！
牛柳粒：食落唔會覺得好乾而且唔係全熟，肉汁豐富，醬料都調得唔錯
芝麻雞翼：好脆！好明顯係新鮮炸起，其次夠大隻同埋啲肉好鮮嫩好多汁！！
避風塘炒雞軟骨：好少放題會有避風塘系列，食落又唔錯，好入味雞軟骨熟度啱啱好
辣酒煮花螺：夠入味，而且辣度只屬微辣
燒虎蝦：大大隻嘅虎蝦，肉地好厚實，有小小炭燒感覺！
最後食返個甜品作結，每人都可以係雪糕中選一款！
總結食物，環境，服務，價錢都好滿意，放題嚟講好高水準！！
滿屋日本料理
網址: https://s.openrice.com/QrbS0gSW700
地址: 荃灣眾安街55號大鴻輝(荃灣)中心10樓
電話: 36221388
免責聲明:
本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊，請直接聯絡該品牌查詢或尋求相關專業意見。
如從而引起任何損失或法律糾紛，本人概不負責。
Blog links:
Theztyle | Itrial | Fashion & Beauty| Beautyexchange
Theztyle | Itrial | Fashion & Beauty| Beautyexchange
Facebook page : Piggy豬&Siushan寶 PS愛自己入黎禁個讚留意下我既新動向啦:D!!
Contact:siushanb@hotmail.com歡迎試用邀請/出席活動邀請喔<3~
沒有留言:
張貼留言